給AD的信

本身真係打算send俾你,不過唔敢,同埋會好odd,所以都係放係到算。講真其實我講嘅野係可以apply落好多人身上…

有啲野,我唔知點開口,加上我講野唔叻,但係我又覺得我有責任去出聲,惟有用文字。我唔知你會聽得幾多入去,但希望幫到手。

我知道呢個世界,周圍都係壓力,尤其係中國人,有邊個阿爸阿媽唔係望子成龍。我地都係小學俾人焗考好成績,咁我大概都估到你阿爸阿媽對你有幾大期望。我明白佢地嘅諗法,但係人生係自己嘅,係咪應該為咗滿足佢地嘅期望而生活?人生係一個過程,所有選擇,冇啱定錯,你嘅選擇,就係你人生正確嘅選擇。你既然選擇咗,就要承擔選擇嘅後果,無得怨。你得一次機會去活你呢個人生,係咪應該花時間去向前望,而唔係不停回頭望,討厭從前甚至而家嘅自己呢?假如冇咗嗰啲事,你點會經歷咗咁多野,你點會係而家嘅你?就算你唔滿足於而家嘅自己,咪諗下未來點樣將自己變更好,而唔係憎以前嘅自己有幾蠢。換轉另一角度,而家嘅你可以指出以前嘅你有咩錯,代表你成長咗。假如連你自己都唔鍾意自己,對自己冇信心,咁仲有邊個會愛你,關心你?你點樣說服其他人你勝任某個工作?如果你覺得自己得,你點都會得,差咗要幾多時間,但係如果連你自己都放棄,你就一定唔得。

你想讀醫,我唔反對,但係我想你問心,你係真係想幫人,不停on call攰死但係見到救到人會有滿足感,係咪就算冇錢去荒山野嶺做醫生,你都會從心而發咁開心。我唔知你有冇諗過,我只係怕,你其實係為咗滿足你阿爸阿媽嘅期望,連自己都呃埋,覺得自己鍾意做醫生。我覺得,二十一歲,係時候為自己人生負責,唔可以再俾其他人嘅意見左右,亦都唔可以咩都賴外在因素,與其去賴,不如諗點樣令自己更強大,連外在因素都影響唔到你。我希望你幻想下,唔洗理所有親朋戚友嘅意見,唔洗理以後生活點,假設你揀乜都得,你最想做嘅工係咩?如果你真係鍾意做某樣野,你就要企硬出聲,話俾你阿爸阿媽知,你自己控制返你嘅人生而唔係佢地控制你。

我個人覺得,你會mental breakdown,係因為你一直覺得讀醫可以得到你父母嘅認同,但係你阿爸不支持嘅態度,令你惟一目標冇咗,你冇咗精神支柱,自然breakdown

一個人真正鍾意一樣野,係會自發去做,好似你讀日文german咁,可以好純粹,為咗開心。

好啦,我廢噏完,希望你可以諗清楚再決定自己嘅將來。

給AD的信

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s